Məhsulların onlayn sifarişləri həftənin bütün günləri 10:10-dan 17:30-a qədər qəbul edilir və Bakı, Sumqayıt şəhərləri ərazisində pulsuz çatdırılması təmin edilir.

Azərbaycan Respublikası ərazisində pərakəndə ticarət obyektlərində dəyişdirilməli olmayan malların siyahısı haqqında Azərbaycan Respublikası Nazirlər Kabinetinin 21 may 1998-ci il tarixli 114 №-li Qərarına əsasən, əldə edilmiş mallar dəyişdirilmir və geri qaytarılmır.

Sifariş rəsmiləşdirildikdən sonra 2 saat ərzində ləğv edilə bilər. Bununla bağlı retail@azergold.az elektron poçt ünvanına yazılı müraciət göndərilməlidir. Ödəniş onlayn olaraq həyata keçirildiyi halda məbləğ müştərinin kartına 30 bank günü ərzində geri qaytarılır.

Satış və mübadilə mərkəzində yalnız "AzerGold" QSC-nin istehsalı olan qızıl məhsullarının gerialışı-mübadiləsi həyata keçirilir. Vergi ödəyicisi qismində dövlət qeydiyyatına alınmış vətəndaşlar (Vergi Ödəyicisinin Eyniləşdirilmiş Nömrəsi - VÖEN) qızıl məhsulunu mübadilə üçün təqdim edəcəyi günün cari qiymətinə əsasən elektron qaimə-fakturanı təqdim etməlidir. Gerialış məbləği 10 iş günü ərzində müştərinin təqdim etdiyi bank hesabına köçürmə yolu ilə icra edilir.