Qızıl sikkə Bakının ən qədim hissəsi, tarixi-memarlıq qoruğu olan İçərişəhərə həsr olunub. Sikkə nümunəsində “İçərişəhər” Dövlət Tarix-Memarlıq Qoruğunun ərazisində yerləşən tarix və mədəniyyət abidələri təsvir edilib.

Azərbaycan memarlığının inciləri hesab edilən Şirvanşahlar sarayı, Qız qalası, Şah məscidi, Qoşa qala qapıları, eləcə də İçərişəhərin memarlıq ansamblına daxil olan digər abidələr sikkə üzərində kompozisiya təşkil edir.