“Qarabağ inciləri” sikkəsi Qarabağın zəngin tarixi-mədəni irsini təcəssüm etdirir. Sikkə nümunəsinin üzərində Qarabağın cənubdan şimala doğru tarixi abidələri yerləşmə nöqtələrinə uyğun olaraq dizayn edilib.

Dizaynda Xudafərin körpüsü, Məmmədbəyli, Gürcülü türbələri, Şeyx Babı türbəsi və dağıdılmış məscidin fraqmentləri, Müqəddəs Alban Diriliş kilsəsi, Yuxarı Gövhər ağa məscidi, Həmzə Sultan sarayı, Əsgəran qalası, Cümə məscidi və nəhayət, Xudavəng monastrı təsvir olunub. Mərkəzdə şahə qalxmış Qarabağ atının üzərində qalib sərkərdə və təsvir olunmuş bütün elementlər məcmu halında Qarabağın məşhur Xanlıq xalçasının mərkəzi kompozisiyasını formalaşdırır.