“Şuşa” sikkəsi üzərində Şuşa şəhərinin mədəniyyətinə aid atributlar təsvir olunub. Qarabağın azad edilməsi uğrunda qəhrəmanlıq sərgiləmiş şəhidlərimizin xatirə simvolu olan xarıbülbül gülü sikkənin əsas elementidir. Tar, kamança, qaval üçlüyü isə milli musiqi sərvətimizi təcəssüm etdirir.

Yuxarı Gövhər ağa məscidinin minarələri sikkənin digər əsas ornamentidir. Ritmik elementlərdən ibarət naxışlar Qarabağ xalçaçılığını, yarpaq təsviri isə Qarabağın təbiətini simvolizə edir.